Со традиционалниот импровизиран напад на Участакот,„Меморијалниот музеј 11 Октомври„ и со огномет, вечера Прилеп го почнува одбележувањето на 11 Октомври – Денот на народното востание и 81 годишната од почетокот на антифашистичката борба на македонскиот народ.
По повод 11-ти Октомври, на камената бина на плоштадот „Александрија“ се обрати градоначалникот на Прилеп, Борче Јовчески, укажувајќи на значењето на овој празник за македонскиот народ. На празникот 11-Октомври прилепскиот градоначалник го прослави заедно со неговиот колега, градоначалникот на Куманово, Максим Димитриевски. По повод празникот Октетот „Прилеп“ одржи концерт, а прилепчани ги забавуваше и бендот „Peaches“.
По повод 11 ти Октомври утре делегации ќе положат цвеќе на спомен бистите на народните хероди и на Могилата на непобедените. Од присутните високи функционр најавено е присуството на претседателот на ВМРО-ДПМНЕ Христијан Мицкоски кој ќе положи свежо цвеќе на Могилата на непобедените.