Напуштениот објект од старата градска библиотека во Прилеп вчера, понеделник (17.10.2022 )во попладневните часови околу 16 часот бил зафатен од пожар. Според информациите од ТППЕ Прилеп опожарена е спратната конструкција, кровот и таванот од објектот. По брзата интервенција од прилепските пожарникари со 3 возила со 10 пожарникари, кои добиле припомош за достава на вода и од ЈКП Комуналец Прилеп со 2 возила и 3 екипи, спречена била голема штета на неколку куќи се лепенки со објектот на старата библиотека. Во битката со огнената стихија (од 16 и 30 до 19 часот) еден пожарникар од ТППЕ Прилеп бил полесно повреден од огнена топка од зафатените ѓерамиди.
