Невреме денеска, околу 15 часот што го зафати Прилеп, предизвика поплавени улици и отежната движење на возилата. На социјалните мрежи веќе има фотографии од невремето,по улиците и од градската река.
Метеоролозите најавија дека ќе имаме обилни врнежи од дожд и грмежи.
Во Прилеп за кратко време наврнаа околу 20 л/м².
Минималната температура денеска се движеше во интервал од 10 до 17, а максималната достигна до 24 степени.
Под влијание на влажна и нестабилна воздушна маса во следните денови времето ќе биде променливо облачно и нестабилно, на повеќе места со пороен дожд, грмежи и засилен ветер. Локално процесите ќе бидат поинтензивни во форма на невреме со пообилен дожд за кратко време (над 20 л/м2), електрични празнења, силен ветер (над 60 км/ч) и изолирана појава на град.