Синоќа, во 21.08 часот, во ОВР Крушево било пријавено дека на регионалниот пат Крушево – Прилеп се случила сообраќајна несреќа помеѓу товарно возило „нисан“, со крушевски регистарски ознаки, управувано од лицето А. Б. (51) од Крушево, и трактор, без регистарски ознаки, управуван од А. А. (41) од с. Алданци, Крушевско.
Во несреќата тешки телесни повреди добил сопатникот во возилото „нисан“, М. Н. (35) од Крушево, а телесни повреди добиле двајцата возачи и М. Ј. (38) од с. Норово, сопатник во тракторот, констатирани во болницата во Прилеп. Увид извршила екипа на ОВР Крушево.