Територијалната противпожарна единица Прилеп апелира до граѓаните на Прилеп, Кривогаштани, Долнени и до жителите од сите населените места да се однесуваат одговорно при движење во природа да не предизвикаaт пожар, особено во овој период кога Пелагонија е во портокалова зона.
„Со зголемени високи температури се зголемува и опасноста од пожари на отворен простор. Aпелираме до сите граѓани да се однесуваат одговорно и при своето движење во природа да внимаваат да не предизвикаaт пожар. Доколку забележите пожар, веднаш пријавете на броевите 193 и 112 . Дадете точни информации за локацијата на пожарот и неговата големина, за полесно итервенирање на ТППЕ. Загубите од пожарите на отворен простор се многу големи и многу тешко надоместливи, да ја сочуваме природата да го сочуваме нашето шумско богатство – нашите бели дробови“-апелираат од ТППЕ – Прилеп
Времето денеска ќе биде особено топло во целата држава, а в петок температурата ќе надмине 40 степени и ќе биде активно портокалово ниво на опасност од високи температури. УВ зрачањето ќе изнесува 10.