Манифестацијата „Звуците на градот“, од пеколните горештние, создаде пријатна атмосфера во центарот на Прилеп , пред ЦК Марко Цепенков. Распеани, насмеани и секогаш подготвени за презентирање и афирмирање на убавата староградска песна, пред присутната прилепска публика се преставија: женската пејачка група „Преродба“ со македонски народни песни , Куд „Пензионер“ и КУД „Пере Тошев“ ,како и „Октетот Прилеп“ кои предизвикаа бурни аплаузи за нивните изведби.
Концерт „Звуците на градот“ се одржува прв пат ова лето и е дел од програмата за култура на ЦК Марко Цепенков, но доколку биде финсиски поддржана оваа културна манифестација може да прерасне во традиционален, и да се одржува секоја година ,каде би се промовирала македонската народна староградска песна, односно би била посветена на староградската песнопојска традиција, која неколку групи ја негуваат во Прилеп.