На спортскиот фудбалски терен во Паркот на Револуцијата два дена, вчера и денеска, се одржаше Светски куп во трки со дронови. За најдобри резултати и за трофеи се натпреваруваат 13 учесници од Србија, Бугарија, Чешка и од Македонија. Организаторот, воздухопловниот клуб „Фил феникс“ од Прилеп, купот го одржува по седми пат и веќе ја етаблира Македонија во светската воздухопловна федерација со овој спорт.
„Светските купови и првенства почнаа 2016 година, а ние првиот куп го организиравме наредната, 2017 година. Ние сме во 10-те земји кои организираат и одржуваат светски купови. Реномето и на Прилеп, и на воздухопловниот клуб и на Македонија високо котира во меѓународната воздухопловна федерација. Тоа е голема афирмација,како за градот така и за Македонија„ , вели Здравко Тодороски, организатор и претседател на клубот „Фил феникс“ од Прилеп, кој е воедно и меѓународен судија.
Трките со дронови бараат брзина, концентрација, виртуелно следење. На овие натпреварувања,најчесто се презенитира најновата и најактуелна технологија.
.
Досега на Светските купови во Прилеп учествувале околу 150 натпреварувачи во трки со дронови од цел свет. А, Светското првенство на трки со дронови ќе се одржи во Јужна Кореја.