Конзорциумот „Бехтел и Енка“ од денеска бара работници за изградба на четирите автопатски делници од Коридорите 8 и 10д во Битола и во Прилеп. Саемите за вработување ќе траат до 18 септември. Во Битола денеска 5 ти септември од 16 и 30 до 20 часот во Офицерскиот дом со свечено отворање, а во Прилеп исто така од денеска на плоштадот Методија Андонов Ченто на отворено во наредниоте 15 дена. Информацијата ја сподели на Фејсбук координаторот на проектите Вицепремиерот Артан Груби со известување на англиски и на албански јазик.
Според информациите од ЈП за државни патишта за изградбата на коридорите 8 и 10д на конзорциумот „Бехтел и Енка“ ќе му бидат потребни околу две илјади работници од различни профили. Овој податок беше соопштен на саемот за вработување на американско-турскиот конзорциум што се одржа минатиот месец во Агенцијата за вработување – Гостивар.
