На 14 мај во 19 ч. во холот на СОУ,, Ѓорче Петров” Прилеп ќе се одржи промоција на новиот роман ,,Симфонија” на прилепската писателка Билјана Тинтоска. Промотор е Габриела Стојаноска Станоеска, рецензент Жанета Видеска. Модератор на промоцијата е Лидија Ристеска. Тоа е четврт по ред роман на Тинтоска која на читателската публика се претстави со првенчето „Овде или во вечноста“, а потоа следеа романите „Ангел во тело“ и „Каде што реката го бакнува небото“ и збирката раскази „Работилница за живот“ .
„Синфонија“ е роман посветен на длабоките чувства и поврзаноста со предците, со духовното наследство, како човекот се справува со болката по загубата на најблискиот, како се дели радоста со другите…
Билјана Тинтоска е професор по македонски јазик во СОУ „Ѓорче Петров“ во Прилеп. Ментор е на драмската секција во училиштето, голем вљубеник на книгата и одличен познавач на пишаниот збор, која со литература се занимава од нејзиното детство.