Ансамблот за народни песни и игри „Танец„ четврток 21 јуни, 20.00 часот големата сала од ЦК„Марко Цепенков“во Прилеп ќе се претстави со целовечерен концерт. Ансамблот за народни песни и игри „Танец„ преставува душата на Македонија и симбол на македонската култура и уметност повеќе од шест децении,.
Публиката ќе има ретка можност да присуствува на едно убаво музичко доживување, со богатството на македонскиот фолклор, традиција и култура.
“Танец” е формиран во мај 1949 година со указ од тогашната влада. Целта на формирањето на ансамблот претставувала насушна потреба за формирање на институција од овој вид која го одржува, негува, чува и збогатува македонскиот фолкор. За успехот на “Танец” говорат бројните добиени награди и признанија, а има учествувано на над 4500 концерти и подиуми во земјата и во светот пред околу осум милиони гледачи.