Горан Кузески е новиот в.д директор на Центарот за јавно здравје – Прилеп. Од Министерството за здравство денеска информираа дека изминатите денови се назначени 14 нови в.д. директори на јавни здравствени установи низ државата.
Кузески е епидемиолог, долгогодишно вработен во Центарот за јавно здравје – Прилеп.
Тој ќе ја наследи позицијата директор на Центарот за јавно здравје – Прилеп. од досегашната директорка, Драгица Николоска.
Што се однесува до ЈЗУ Општа болница “Борка Талески” – Прилеп, докторот специјалист по ортопедија Кире Јоноски, е именуван за директор на прилепската болница “Борка Талески”. Кире Јоноски, е и советот на општина Прилеп од редовите на ВМРО-ДПМНЕ, на позиција в.д директор доаѓа на местото на досегашната директорка , Кети Смилеска.
