Mеѓународната ликовна колонија „Марко Цепенков -Дрен 2024“ која се одржува по 16 ти пат во Прилеп, во организација на НУЦК „Марко Цепенков“ – Прилеп, собра голем број уметници од земјава и од странство.
На колонијата ќе творат: Петја Ѓеоргиева од Бугарија, Небојша Станков, Среќко Здравковиќ, Јована Ѓуриќ, Немања Вучковиќ од Србија, Радица Лелова, Александар Таневски, Светлана Попова, Суарта Луфи, Ангел Коруновски, Валентина Стеваноска и Слободан Милошески од Македонија и прилепчаните Тони Чатлески Никола Димески, Марјан Стојаноски, Столе Дурланов.
Создадените дела на годинашната колонија ќе бидат презентирани на изложба во Центарот за култура , а претставени и во повеќе градови низ Македонија.
„Создадените дела на годинашната колонија ќе бидат презентирани на изложба во ноември, кога Центарот ќе одбележи 45 години од формирањето “ – вели Марија Попова Јованоска, в.д. директор на ЦК „Марко Цепенков“.
Ликовната колонија „Марко Цепенков –Дрен” досега е покровител на над 400 уметнички дела што се во наследство на прилепскиот Центар за култура и на државата. Ликовната колонија започна на 8 август и ќе трае до 13 август.
Колонијата е поддржана од Министерството за култура.