Организаторот на традиционалниот ликовен и литературен божиќен конкурс на тема „Рождеството Христово Божик во нашиот дом“, храмот „Света Петка“ во населбата Точила, Прилеп, в понеделник на шести јануари ќе ги прогласи победниците и ќе доделни пригодни награди за учениците од основните училишта од Прилеп.
„Со голема радост ве известуваме дека прогласувањето на победниците и доделувањето на наградите ќе се одржи на 06.01.2025 г. (понеделник) – на Бадник, со почеток во 11:00 часот, во храмот „Св. Петка“ во населбата Точила, Прилеп. Свечениот чин ќе биде збогатен со музичка програма која ќе внесе дополнителна празнична атмосфера, а истовремено ќе биде отворена и уметничка изложба со дел од литературните и ликовни творби создадени од нашите млади учесници, стои во известувањето од в.д старешината на храмот „Света Петка“ протоереј Љупче Петрески.