Привршува гласањето за избор на 13 величествени во организација на Радио Пела. Денешен наш соговорник беше директорот на ООУ „Климент Охридски“-Прилеп, Ахил Јаков.
За време на негово тригодишно раководење, училиштетото доби потполно нов сјај, а значително се подобрени условите за работа на учениците и наставниците.
Колку е сложено да се раководи со ова училиште, што значи да се биде менаџер во вистинската смисла на зборот, од каде ги црпи идеите за проектите и како успева да привлече донации од бизнис заедницата, разговараме во студиото на Радио Пела.
По повод осум години постоење и по повод Светскиот ден на радиото-13 февруари, Радио Пела ја организира манифестацијата 13 величествени, на која ќе им бидат доделени признанијата на медиумски највпечатливите лица, компании и здруженија кои дале најголем придонес во заедницата за 2024 година и за кои јавноста пројавила најголем интерес.