Има ли шанси и која е патеката Тутунски Комбинат АД Прилеп да се врати на пиедесталот на некогашен гигант во тутунската индустрија. Колку стратешкото партнерство со Филип Морис може да помогне во тие желби? Монополот најмалку една деценија се бори да фати чекор со модернизацијата, техничко – технолошкиот напредок за да биде конкурентен на пазарот со откуп, преработка на ориентален тутун и производство на цигари.
Тутунски рамо до рамо со останатите 9 откупувачи учествува во преговорите за промени во законската регулатива за тутун и тутунски производи што треба да овозможат иднина во одгледувањето на оваа земјоделско – индустриска култура единствена регулирана со закон.
За прашањата околу цените за новата тутунска реколта – колку тие ќе обезбедат извесна производна и откупна кампања за реколта 2025/26; за стратешкото партнерство со Филип Морис; колку се реални надежите на прилепчани дека некогашниот гигант повторно ќе биде еден од столбовите на Прилеп со Александар Алексоски, генерален извршен директор на Тутунски Комбинат АД Прилеп.