Македонската фудбалска репрезентација ќе настапи во црни дресови на натпреварот против Лихтенштајн, во чест на жртвите од трагедијата во дискотеката во Кочани. Фудбалерите изразија сочувство и најавија дека ќе играат во нивна чест.
Натпреварот, кој е дел од квалификациите за Светското првенство 2026, ќе се одигра во сабота во 15 часот на стадионот Рајн Парк во Вадуц.
Стартниот меч Македонија ќе го започне во специфична и тажна атмосфера, поради трагедија во Кочани во која животот го загубија 59 млади лица. Ја нема еуфорија ниту насмевки кај репрезентаивците затоа што во Македонија се уште е во ден на жалост кога ќе се игра мечот во Вадуц, па тимот реши ,да настапи и со црните дресови за да покаже почит кон загинатите во оваа најголема трагедијата во Македонија.