И, ние имаме деца за трка. Двајца ученици од СОЕПТУ „Кузман Јосифовски Питу“ – Прилеп се пласираа во финалето на Националниот натпревар на економската олимпијада, која се одржа во Тетово.
Претходно, ученикот, Стефан Тасески го освои второто место на регионален натпревар и како награда доби таблет, а ученичката Михаела Слабакоска се пласира во финалето и го освои 21 место, од 70 учесници. За жал и едниот и другиот не влегоа во потесниот избор за претставници на нашата држава, во Атина, „но, покажаа одлични знаења од областа на светската економија“ ,велат од СОЕПТУ Кузман Јосифоски -Питу- Прилеп.
На овој натпревар учествуваа 70 ученици, од 30 училишта и 16 градови: Кочани, Штип, Велес, Гевгелија, Куманово, Скопје, Тетово, Гостивар, Кичево, Македонски Брод, Струга, Прилеп, Крива Паланка и други , кои се натпреваруваа во две фази на тестирање. воконкуренција од 70 ученици, беа избрани топ 5-те најдобри ученици, кои ќе ја претставуваат Македонија на Меѓународната Економска Олимпијада, што ќе се одржи во август оваа година во Грција, на Античка Олимпија, која е позната како место каде што започнале првите олимписки натпревари..
Активност, која се организира веќе три години, е намената не само да го промовира економското образование кај младите, туку и да ги зајакнува и нивните аналитички вештини, критичко размислување и подготовка за предизвиците на модерната економија.
На 17 мај 2025 година во Тетово се одржа Националниот круг на Економската Олимпијада, организиран од Институтот Либерална Алтернатива (LAI) и Economics Fundamentals Initiative (EFI), со поддршка од Универзитетот на Југоисточна Европа (УЈИЕ).