Утре, четврток, 5 јуни 2025 година во големата сала на Општина Прилеп ќе се одржи презентација на Оперативниот план за активни програми и мерки за вработување и услуги на пазарот на трудот за 2025 година, активни мерки од Агенцијата за поддршка на претприемништвото, како и тековни мерки и јавни повици на Министерството за економија и труд.
Презентацијата ќе ја водат заменик-министерот за економија и труд, г. Марјан Ристески, претставници од релевантните институции, како и домаќините од Општина Прилеп.
Ќе бидат присутни од Занаетчиската комора, Младинскиот совет Прилеп, заинтересирани граѓани и организации за мерките кои наскоро ќе стапат на сила за поттикување на вработливоста и развој на бизнис секторот.