Жесток топлотен бран го зафати јужна Европа, со неверојатни температури кои достигнаа максимум од 46,6°Ц во Шпанија и го ставија речиси целиот континентален ,дел на Франција во состојба на тревога.
Париз (38Ц) е во највисока, црвена тревога, а врвот на Ајфеловата кула е затворен за туристи како превентивна мерка.
Во Италија, каде што 21 од 27 градови беа ставени на највисоко предупредување за топлина во неделата, приемите во болница во некои од најжешките региони – како што е Тоскана – се зголемени за 20 отсто. На луѓето им е советувано да не излегуваат надвор помеѓу 11 и 18 часот.
Во Бранденбург, покраината околу Берлин, владата ги повика работодавците да ја земат предвид опасноста за своите вработени.
Според синоптичарите, следува период на сончево и топло време со мала до умерена облачност. Температурите ќе бидат во постепен пораст, особено од четврток и за време на викендот кога дневната температура насекаде ќе биде над 30 степени Целзиусови, а наместа ќе достигне до 40 степени Целзиусови.