“ГеНарација Мир – Уметноста е начинот” е насловот на Регионалната младинска, мировна и уметнички средба, која ќе се одржи во Прилеп од 10 до 12 септември 2025, во Домот за култура “Марко Цепенков”.
Во Прилеп ќе бидат прикажани две претстави како дел од од оваа регионална младинска средба во која ќе се сретнат млади луѓе од Македонија, Косово и Србија.
Претставите ќе бидат поставени во Домот на култура „Марко Цепенков“ Прилеп. За двете претстави влезот е слободен, а публиката ќе може да ги проследи со превод на англиски јазик.
На 10 септември (среда), во 19:00 часот ќе биде поставена претставата „Заминувања“, колективна драматрургија во режија на Драгана Гунин. Претставата обработува 4 женски приказни од војната во 2001 од архивата на животни приказни на Мировна акција. Базирана е врз книгата „13 Женски приказни за една војна“ издание на Мировна Акција – Прилеп. Претставата беше поставена премиерно во Албански Театар во Скопје во 2022, а потоа беше поставена во Куманово. Претставата беше селектирана и на 57от Македонскиот Тетарски Фестивал во Прилеп во 2023, во придружната програма на фестивалот.
На 11 септември ( четврток), во 19:00 часот, ќе биде прикажана претставата „Татко и Татко“, чиј автор е Јетон Незирај, а режијата е на Куштрим Колиќи од Приштина, Косово. Претставата има освоено 15 награди, меѓу кои и: награда за најдобра театарска претстава, режија и актерска игра на Фестивалот за Уметност и традиционална култура „Етно Фест“ во Кукај во 2022, истата година награда за режија и актерска игра на Театарскиот Фестивал во Феризај, награда за најдобра оригинална драма и актерска игра на Албанскиот театарски фестивал „Мојсиу“ во Скопје во 2022, награда за најдобра режија, најдобра актерска игра и најдобра театарска претстава на Меѓународниот театарски фестивал во Приштина во 2024.
Настанот заеднички го реализираат Мировна акција (Македонија), Integra (Косово) и Gradjanske Inicijative (Србија), а финансиски поддржан е од Western Balkans Fund.