Моментно (10.09 2025), во Македонија активни се 6 пожари на отворен простор, а беа изгаснати 16, меѓу кои 6 само во прилепско, информираат од ЦУК на Македонија.
Денеска ТППЕ – Прилеп имаше полни раце работа. Пожарникарите гаснеа на повеќе локации на територијата на Општина Прилеп. На територијата на Општина Прилеп гореше ниска вегетација на ул. Васко Карангелески, пожар имаше во близина на продавница Стибера каде исто така гореше ниска вегетација, пожар на отворено гаснеа пожарникарите и во атарот на с. Ерековци, кај Нови Гробишта и во близина на плетварско, во с. Ореовец, каде гореше ниска вегетација и ѓубре.
Во соседната општина, Општина Крушево гори, но пожарот е ставен под контрола, градска депонија на влезот на градот, која претставува едно големо ѓубриште на Крушево.