Следна станица на ракометниот караван, во организација на Ракометната федерација на Македонија, е Прилеп. Вторник, на 14 октомври, со почеток во 12:30 часот во салата на ООУ „Добре Јованоски“ ќе се одржи вториот караван, по Охрид, ракометен караван, кој патува низ македонските градови, со мотото „Ракомет – нашата игра, нашиот свет“, со цел промоција на овој трофеен спорт. „Сите се поканети, сите можат да учествуваат„, велат организаторите!
Промотори на настанот ќе бидат двајца ракометни познати прилепчани и една прилепчанка, некогашна членка на Тут-Ком-Прилеп, некогашна ракометна македонска репрезентативка, а денеска одличен ракометен судија со меѓународно ракометно судиско искуство .
Тоа се поранешниот репрезентативец на Македонија, тренер на РК Прилеп, а сега тренер на Бутел Скопје и селектор на кадетите – Горан Кузманоски, актелното левото крило и капитен на РК Прилеп, Димитар Димитриоски, и некогашната ракометарка, а сега ЕХФ судијка – Силвана Карбеска.Тие ќе помогнат во презентирање и промоција на овој спорт на сите млади вљубеници во ракометот ,што е одлична можност за дружба и ракометна забава.
Главната цел на караванот е промоција на нашиот национален спорт – ракометот, како и запознавање на најмладите генерации со убавина на овој спорт .
„Караванот има за задача да ги доближи вредностите на ракометот до најшироката публика, да создаде нови генерации љубители на спортот и да ја поттикне активната вклученост во спортските активности. Особено внимание е насочено кон најмладите – нашите идни ракометни ѕвезди. Преку дружење, мотивација и инспиративни примери, тие ќе имаат можност да се запознаат со ракометот како потенцијална нивна иднина и како спорт што носи другарство, дисциплина и успех. Ве покануваме да бидете дел од караванот и заедно да ја пренесеме љубовта кон ракометот низ Македонија“, велат од РФМ.