Обилните врнежи во изминатите 24 часа предизвикаа нагло полнење на речните корита и значително зголемување на водостојот, поради што Управа за хидрометеоролошки работи издаде предупредување дека состојбата може дополнително да се влоши.
Од Управа за хидрометеоролошки работи апелираат граѓаните да бидат крајно претпазливи и да избегнуваат движење покрај реки и водотеци во западните делови на земјата, а да се следи состојбата и во источните делови, каде се можни изолирани поинтензивни врнежи. Надлежните најавуваат редовно информирање доколку дојде до дополнително влошување на хидролошката состојба.
Во Пелагониски регион и пошироко, Црна Река бележи континуиран пораст, а како подрачја со можни излевања се спомнуваат делови од Демир Хисар, кичевско и пелагонискиот крај.