Општина Кривогаштани се координира за безбедност од пожари – редовно ќе патролираат екипи на полицијата и ТППЕ

Во наредниот период, со цел да се почитуваат мерките  против пожари на отворен и да се врши континуирано следење на состојбата на терен, навремено откривање на потенцијални опасности од пожар и превентивно делување на ризичните локации, во Општина Кривогаташни ќе бидат интензивирани патролите на Полициското одделение – Кривогаштани и Територијалната противпожарна единица – Кривогаштани.  Во наредниот период институциите ќе продолжат со меѓусебна координација и ќе постапуваат согласно  законски надлежности за заштита на граѓаните, имотот и природните богатства.

„Упатуваме апел до сите граѓани и земјоделци да покажат максимална одговорност и да ги почитуваат пропишаните мерки за заштита од пожари. Особено се нагласува забраната за палење стрништа, сува вегетација и друг растителен отпад, како и забраната за користење отворен оган во близина на шуми, пасишта и земјоделски површини. Земјоделската механизација која учествува во жетвените активности треба да биде технички исправна и опремена со соодветни противпожарни средства. Потсетуваме дека непочитувањето на законските забрани повлекува соодветни санкции, а секој граѓанин кој ќе забележи пожар или непосредна опасност од негово настанување е должен веднаш да ги извести надлежните служби на телефонските броеви **193**, **192** или **195**.“ информира и апелира градоначалникот на Општина Кривогаштани, Игор Каравилоски.

Од општината сметаат дека со навремена реакција, одговорно однесување и заедничка соработка значително ќе се намали ризикот од пожари за безбедност на имотите и животите на жителите од  општина Кривогаштани.