„Со ова ја зачувуваме природата, го зајакнуваме културното наследство и ја покажуваме нашата посветеност кон иднината на Прилеп. Обезбедена е и дополнителна опрема која ќе им биде на располагање на сите граѓани и волонтери кои сакаат да се вклучат во идни вакви акции за пошумување.Огромна благодарност до сите граѓани, здруженија и институции кои се приклучија и помогнаа! Заедно ја чуваме природата и ја градиме иднината на нашиот Прилеп!“ истакна градоначалникот на Прилеп,Дејан Проданоски.
„Мене ми е навистина мило тоа што го гледам овде. Секоја им чест за Општината и ЈКП „Комуналец“, кои го организираат ова што го гледате денес и ден претходно. Најголемо задоволство ми прави тоа што гледам и најмали дечиња кои се одзваа на поканата на Општината, со своите родители да дадат еден придонес кон ова што треба да биде слика во цела Македонија.“ истакна, заменик‑директорот на ЈП „Македонски шуми“, Кире Михаилов.
„Сакаме да упатиме еден апел до сите граѓани на Општина Прилеп да се охрабрат и во иднина да организираат се повеќе вакви акции за пошумување, а Општина Прилеп и ЈП Комуналец и опремата која веќе ја имаме набавено ќе им стојат на располагање заедно да ги сработиме сите тие работи.“посочи проектниот координатор, Гоце Бојкоски .