Во ЦК „Марко Цепенков“ во Прилеп утре, 5 октомври во 20 часот, концерт ќе одржи „Македонскиот брас квартет“. Членовите на квартетот Стојанче Косовски – труба, Александар Златески – труба, Горан Јанев – хорна и Владан Дробицки – тромбон (вработени во Македонската Опера и балет), во рамките на програмата пред публиката ќе ги изведат познатите дела на композиторите Кларк, Хендел, Персел, Верди, Равел, Моцарт, Корсаков…
„Македонскиот брас квартет“ е основан во 2013 година кога се бележат и првите нивни настапи. Составот има настапувано во повеќе градови на Македонија, во склоп на фестивали и самостојни концерти.
Членовите на квартетот хонорарно соработувале со Македонската филхармонија, а некои од нив и со Битолската камерна опера, Градските оркестри на Битола и Скопје, оркестрите од Австрија, Бугарија и Белгија, како и со Здружението на џез музичари ЗЏМ и оркестарот за филмска музика Fames Скопје.