Во ЦК „Марко Цепенков“ утре 16.04.2021 (петок) од 12.00 ч. ќе биде поставена изложбата „Рани“ од прилепчанката, Христина Мазнеска. Изложбата е од мултимедијален карактер, а на неа ќе бидат прикажани видео проекција и ликовна инсталација.
Инаку, Христина Мазнеска, е родена 1995 г. во Прилеп. Средно уметничко образование завршува во ДСУЛУД “Лазар Личеноски” во Скопје во 2014 г., на отсекот за сликарство, и дипломира на ФЛУ Скопје, на модулот графичкидизајн. Во 2018 г. остварува два студиски престои, еден на Академија за ликовни уметности во Загреб, Хрватска, и на Универзитетот за ликовниу метности во Будимпешта, Унгарија. Зела учество на повеќе изложби, креативни работилници, ликовни колонии и фестивали за применета уметност во земјава и во странство. Добитник е на неколку награди и признанија. Се занимава и со дигитална уметност, илустрација и дизајн.