Откривање на споменикот на Тоше Проески во Нова Градишка предизвика лавина од незадоволни коментари од хрватските граѓани, кои сметаат дека спомникот ни најмалку не го отсликува ликот на Тоше Проески:. „Ниту Македонците не би го препознале“ пишуваат Хрватите на социјалните мрежи
„Намерата е добра, но статуата воопшто не личи на Тоше“
„Добро е дека пишува дека е Тоше“.
„Ако ова е Тоше, тогаш јас сум Пленковиќ“.
„Да ми е да ги видам лицата на луѓето кога градоначалникот го тргна чаршафот и ја покажа статуата“.
„Ниту Македонците не би го препознале“.
„Неговото семејство треба да биде обештетено за овој „чин““.
„Тргнете го ова затоа што сите ви се смеат… Јас немам срце да се смеам затоа што е премногу тажно. Засрамете се!!! Да се уништи ликот на Тодор Проески на таков начин е толку мачно што ми е тешко да ги пронајдам вистинските зборови за да го опишам овој срам“, гласи еден од бројните коментари на налутените обожаватели на Тоше.
Вчера во Нова Градишка беше откриен споменикот на трагично загинатиот македонски пејач Тоше Проески. Статуата на Проески ја изработи скулпторот Славко Буниќ, а на откривањето присуствуваа поддржувачите на делата на Тоше, македонскиот амбасадор во Хрватска, Милаим Фетаи, градоначалникот на Нова Градишка, Винко Гргиќ и градоначалникот на Крушево ,Томе Христовски.