По едномесечната пауза , попладнево од 16 часот е првиот собир и тренинг за ракометарите на Прилеп , во салата од СОУ Ристе Ристески – Ричко. Нормално за продолжението од шампонатот во суперлигашкото друштво , за плеј-аутот и борбата за опстанок , следуваат подготовки. Ќе биде познато и со кој играчки кадар ќе располага стручниот штаб на прилепчани , предводен од Реваз Чантурија.
Формата ќе се темпира за клучните натпревари сезонава и тоа до 12 февруари кога е и стартот на продолжението од плеј аутот , каде прилепските ракометари ќе ја бараат шансата за опстанок во лигата против Јуниор КВ , Скопје и Голден Арт м Струга , Куманово , Радовиш и Вардар Неготино. Првите пет екипи обезбедуваат опстанок , шестопласираниот ќе игра бараж а последните двајца во оваа конкуренција одат ранг подолу.