На еден од подобрите ракометни турнири во машка конкуренција во земјава, турнирот “Миле Нешкоски“, денеска се одиграа натпреварите од второто коло од групната фаза. Домаќинот, РК Прилеп денеска ја забележа и втората победа.
Откако триумфираше над Струга, прилепските ракометари славеа и над Скопје со 26-20. Втора победа на турнирот оствари и српскиот тим Дубочица Лесковац, кој беше убедлив против Струга, 35-21.Фински Кокс,пак, успеа да слави над ривалот над македонскиот суперлигаш Пролет 62 (29-26) и така ја запиша првата победа на турнирот.
Прилеп против српскиот тим ќе се бори за првото место во утрешниот натпревар, додека Струга и Скопје ќе играат да го избегнат последното место во групата.
Во текот на утрешниот ден (недела) ќе се одиграат последните средби од групите: Скопје игра со Струга, Пролет со Мулти Есенс, Кокс со Еурофарм Пелистер 2, додека Прилеп оди на дуел со Дубочица.
По овие натпревари ќе се знаат дуелите за пласман.