Традиционалната „Палачинкијада“ и годинава за крај на училиштната година се одржа во Прилеп. Годинава локацијата за одржување на манифестацијата беше избрана Могилата на непобедените, новиот детски парк. Над 1.200 палачинки како и лимонада беа за миг поделени и изедени од децата кои со радост го очекуваат овој настан.
„Со овој сладок настан го прогласуваме започнувањето на летниот распуст, каде сите дечиња полнејќи ги батериите ќе можат од септември да покажат повторно интерес и ќе ги исполнат училишните дворови. Палачинкијадата“ сакаме да прерасне во настан кој ќе не потсетува на важноста на заедништвото, пријателството и забавата“, рече Борче Ристески, градоначалник на Прилеп.
Манифестацијата покрај дружба со слатки палачинки и лимонада ги промовираше најдобрите ученици, првенците на генерацијата од основните и средните училишта во Прилеп кои се закитија со признанија.
