Ракометарите на Прилеп ја остварија третата победа во шампионатот. Тие вечерва во првиот дуел од 6.коло од Супер лигата на домашен терен ја совладаа Струга со 34:27. На полувреме беше 18:11. Првиот дел беше неизвесен до 20.минута кога домаќинот водеше со 12:11, а потоа следуваше серија од 6-0 за Прилеп со што беше најавена победата. Во вториот дел домашната екипа имаше и 12 голови разлика, а стружани до крајот само го ублажија поразот.
Моментално прилепчани се во средишниот дел на табелата од Супер машката ракометна лигата со шест бода, додека Струга е на предпоследната позиција со два бода, пред екипата на Радовиш која е последна на 12-сетата позиција.
Во следното коло на 11 октомври Прилеп е гостин на Вардар во Скопје.