Во пресрет на претстојниот Пиво Фестивалот, екипите од ЈКП Комуналец, задолжени за одржување на јавното зеленило, интензивно работат на уредување на плоштадот „Александрија“ и неговата околина, каде и централно се одржуваат сите настсани на “Пивофест“. Деновиве се косат тревните површини, се уредуваат декоративните зелени појаси и се врши одржување на парковското зеленило, со цел просторот да ги дочека посетителите во своето најубаво издание.
Плоштадот, кој претставува едно од најпосетените и најрепрезентативни места во градот, деновиве добива дополнителна свежина и уреден изглед, создавајќи пријатен амбиент за сите граѓани и бројните гости кои ќе се очекуваат да пристигнат во Прилеп за фестивалските денови од 17 до 19 јули.
“Прилеп со право го заслужува епитетот „зелен град“, но зад тој препознатлив лик стои постојана и посветена грижа. Одржувањето на зеленилото не е еднократна активност, туку континуиран процес кој бара секојдневна работа, внимание и вложување, за јавните површини да останат чисти, уредени и привлечни во текот на целата година“, велат од ЈКП Комуналец – Прилеп.