Во Меѓуопштинскиот центар за социјални работи Прилеп вчера 24.03.2025 г, се одвивала вистинска драма. Само присебноста на вработените и на директорот, инстиктивните реакции за одбрана биле пресудни да не се случи трагедија предизвикана од напаѓачот познат на институцијата МЦСР Прилеп.
Случајот во кој е вклучен напаѓачот А.Ј (50 г.) во МЦСР Прилеп се водел од 2020 година. „Ние се соочуваме секојдневно со закани,“ вели директорот Зоран Малкоски во изјава за медиумите и додава дека вперениот пиштол мислел оти не е вистински.
Грубата вербална расправа, резултирала со 5 истрели во ходникот на третиот спрат од МЦСР Прилеп и во неколкуте канцеларии каде што вработените се обидувале да го смират напаѓачот. За време на нападот 10 минути до 14 часот вработените повикале Итна помош и Полиција кои брзо реагирале и го привеле напаѓачот.
Не е јасно како институцијата МЦСР Прилеп не била информирана дека лицето избегало пред 4 дена од психијатриска болница во Демир Хисар, а во повеќе наврати било пријавувано од вработената социјална работничка – жртва во нападот дека кон неа тој упатувал закани и ја демнел.
Жртвата на нападот М.Ѓ е со прострелни рани од огнено оружје и од вчера е хоспитализирана во Прилепската болница вон животна опасност. Голем дел од вработените од Прилепскиот Центар за социјална работа по вчерашната драма побарале медициска помош. Истрауматизирани вработените и денес со неверување бараат поголема заштита од системот, а за тоа добија поддршка со мирни собири од нивните колеги во сите 30 Центри за социјална работа во Македонија.