Министерството за внатрешни работи ги информира граѓаните дека е продолжен рокот на важност на патните исправи и возачките дозволи чиј рок на важност е истечен во периодот на вонредната состојба и тие важат до 31 јули 2020 година.
Ваквата одлука ја донесе Владата на 51-вата седница, на предлог на Министерството за внатрешни работи, со уредба со законска сила за патните исправи и за возачките дозволи за време на вонредна состојба.
„Тоа значи дека овие граѓани нема потреба да вадат нови патни исправи и возачки дозволи до овој датум, но доколку сепак, сакаат да извадат нови документи, на располагање секој работен ден се службите на МВР“, се вели во соопштението од МВР.
До 31 јули продолжен рокот на важност на патните исправи и возачки дозволи
