По објавата на фотографии од OK на ВМРО ДПМНЕ – Крушево за неподигнат смет по улиците на Крушево и напис кои вели дека „ова е моментално ситуацијата на ул Партизанска. Бела еколошка катастрофа во Крушево! Иако, денес е понеделник и работен ден, хигиената во Крушево е на најниско ниво!„
, се огласи ЈП „Комуна“ од Крушево со свое образложение за ваквата стиуација во кое се вели:
„ Во услови на големи количини на снег по улиците на град Крушево работата на останатите наши редовни обврски како јавната хигиена е значително усложнета. Претходно известивме дека работиме на пристап и на расчистување на просторот околу поставените контејнери со цел да се одведе насобраниот отпад. Но, при вчерашните и денешни активности за празнење на контејнерите и одведување на отпадот се соочуваме со дополнителни потешкотии. Заради количини на вода од растопен снег контејнерите не можат да се подигнат од камионот за отпад и истите се расчистуваат рачно. Тоа одзема време и значително ја отежнува работата на вработените. Дополнително, тесните улици и паркираните возила се исто така голем проблем.„-соопштуваат од ЈКП Комуна – Крушево
ЈКП Комуна повика на разбирање и трпение од страна на граѓаните за собирање на отпадот и апелираме на соработка од страна на граѓаните.