Министерството за здравство информира дека изминатите 24 часа направени се 2.938 тестирања, а регистрирани се 444 нови случаи на КОВИД-19. Најмногу новорегистрирани се во Скопје – 190, Битола – 43 и во Прилеп – 27, додека помалку се во останатите градови. Во текот на изминатите 24 часа регистрирани се 11 починати лица: 3 починати лица од Скопје и по едно починато лице од Битола, Велес, Кавадарци, Крушево, Прилеп, Пробиштип, Радовиш и Штип. Од пријавените сите лица се починати во болнички услови.
Од направените 2.938 тестови ПЗУ (рапид тест) вкупно се 1.352, додека во Центарот за јавно здравје Прилеп се 28. Во моментов активни случаи во Прилеп се 430, а досега од почетокот на пандемијата регистрирани се вкупно 9967 случаи.