Златен медал освоија учениците од СОУ „Наум Наумовски Борче“ Крушево, Давид Трајкоски и Бојан Седлоски на меѓународниот натпревар за гастрономија во Хрватска. СОУ „Наум Наумовски Борче“ Крушево, пак, го освои второто место, во конкуренција од 24 училишта од Европа.
На 14-от Меѓународен фестивал по гастрономија Супетар – Брач, Република Хрватска, кој се одржа од 9-ти до 14-ти април 2019 г. учениците имаа можност да присуствуваат на мастер часови од реномирани европски шефови на кујни и воедно да се натпреваруваат во кулинарсите вештини и во изготување на интересни,креативни јадења.
По овој успех тимот од СОУ „Наум Наумовски Борче“ ги прими градоначалникот кои им честа за наградите,а тие упати голема благодарсност за безрезервната поддршка на Општината и сите поддржувачи и покорвители кои им овозможија да учествуваат на ова големо кулинарско натпреварување во Хрватска.