Денешниот е последен работен ден од учебната 2018/2019 година. Околу 10.000 ученици од основните и средните училишта на подрачјето на Oпштина Прилеп завршуваат со училишните обврски и од утре веќе се на летен распуст.
Oваа годна летниот распуст ќе трае до втори септември, со оглед на тоа што, први септември е во недела. До кајот на месецов, учениците треба да ги добијат сведителствата со постигнатиот успех за завршеното одделние.
Што се однесува до полуматурантите , тие имаат обврска до 17/18 јуни да донесат одлука ,каде ќе го продолжат своето образование, а матурантите имаат обврска да ги завршат испитите од државната матура.
Доколку матурантите сакат да го продолжат своето образование и планираат да се запишат на факултет ќе може да го направат тоа во месец август.
За почетокот на следната учебна година, се очекува и новиот закон за основното образование кој во нацрт-верзија деновиве е поставен на Електронскиот регистар на прописи (ener.gov.mk) за доставување сугестии и забелешки.