Утре повторно сите на Точак! Со исправни велосипеди, со исправни светла и со водата за освежување, Јавен простор и критичната маса #ПрилепНаТочак# ќе Ве носат на едукативна вело туристичка турка, до спомен куќата на Блаже Конески, во Небрегово. 
Тргнувањето е (утре ,недела во 16,30 ч,) пред споменикот на Александар , а ќе се вози турата Прилеп – Мажучиште – Мало Мраморани – Забрчани – Дипјачани – Небрегово, во прилепската и долненската општина.
Ова е втората едукативна вело-тура за ова лето, каде возачите на точак ќе возат, ќе се дружат , но и ќе имаат цел , да дојдат со споен куќата на Блаже Конески и да научат каде се родил основачот на современиот македонски литературен јазик и македонската граматика и зошто е значајна личност во македонската книжевност и литература .
„Рекреативноста, поврзана со информативниот или едукативниот туризам, е една од работите кои со задоволство ги реализираме заедно со нашите пријатели од ПрилепНаТочак и музејските работници од нашиот град.’-информираат од Јавен простор,задоволни што се повеќе млади луѓе сакаат да вело – тури кои имаат не семо рекреатицна,туку и едукативна цел.