Вечерва, со почеток во 20.00 ч. во фоајето од ЦК„Марко Цепенков“ концерт на пијано ќе одржи Дани Жоговска. На програмата ќе се најдат дела од Чајковски, Рахмањинов, Прокофиев и други.
Дани Жоговска е родена во Скопје каде го комплетира своето музичко образование .
Има учествувано на голем број концерти во Р.Македонија ,новогодишни, завршни и по повод на патронатот на училиштето. Учествува и на концерти надвор од државата како Франција, Германија, Србија, Косово, Италија, Бугарија. Во 2018 година дава рецитал во Скопје и Кавадарци, и во Рим, Форли и Пезаро, Италија. Во 2019 година настапува со Македонска Филхармонија.
Жоговска е Добитник на голем број први и специјални награди на државните и меѓународните натпревари во Р.Македонија.
Концерт на Дани Жоговска во Прилеп
