Државниот завод за статитстика денеска го објави својот статистички годишник, во кој според нивните податоци во текот на изминатата година во Прилеп биле регистрирани 74 647 жители, 5 496 во Кривогаштани, 14 135 Долнени, а во Крушево 9 327 жители.
Во текот на изминатата година во Пелагонискиот регион биле родени 1.962 живородени деца, а починале 2 914 лица. Природниот прираст во Пелагонија е негативен и изнесува 952 лица помалку . Во текот на 2018 година во Пелагонискиот регион склучени биле 1288 бракови, а регистрирани се 216 развод.
Според Државниот завод за статистика, во Прилеп минатата година родени се 681 дете , а починале 936 лица. Во Кривогаштани имало 35 живородени деца , а умреле 83 лица. Во Крушево бројот на живородени деца во 2018 г. е 87 , а починале, во истиот период, 116 лица . Во Општина Долнени во текот на 2018 регистирани се 172 живородени деца , а бројот на починати лица изнесувал 152. Ова говори дека природниот прираст во овие општини е негативен , зашто морталитето на населението е поголем од наталитетот. Дали белата чума е закана за Пелагонискиот регион?!
Што се однесува до склучените бракови во Прилеп минатата година се склучиле 385 бракови, во Крушево 56, во Општина Кривогаштани регистирани се 26 бракови во 2018г, а во Општина Долнени 92 брака.