На покана на ЈОУ ГБ „Борка Талески“ – Прилеп, членовите на Клубот на литературни творци од градот, со своите дела, се секојдневни гости во холот на библиотеката до 31 декември.
– Како установа, сакаме да дадеме придонес во негување на роднокрајното македонско творештво, изразувајќи почит кон авторите, и нивните дела, а со тоа и поголема понуда за читателите, вљубеници на пишаниот збор. Авторите секојдневно ќе бидат присутни во холот, а читателите, граѓаните ќе може со нив да разговараат, да уживаат во понудата, во новогодишен амбиент и во пријатна атмосфера, велат од Градската библиотека.
Членовите на Клубот на литературни творци презентираат книги поезија, поезија за деца и романи.
Прилепскиот клуб постои од 2011 година, членовите организираат бројни манифестации во текот на годината, а со предновогодишното дружење упатуваат порака:
„ Подарете книга од прилепските автори по промотивни цени. Разгалете ги вашите најмили со радоста што ја носи поезијата и прозата, со задоволството што може да го подари книгата.“