Жителите на крушевското село Белушино ќе добијат резервоар за вода, со што ќе се реши долгогодишниот проблем на населението. Проектот треба да обезбеди доволно вода за ова населено место и да ги реши сите проблеми со водоснабдувањето.
-Резервоарот во Белушино е ветуван со децении, но еве дури денес се реализира и за скоро проблемот ќе биде надминат. Се заблагодарувам на сограѓаните од ова село за нивното трпение. Конечно нивните барање се реализираат, вели градоначалникот на општина Крушево Томе Христоски.
Изградбата на резервоарот за вода чини 2 601 900 денари. Проектот се имплементира во рамки на програмата за работа на Министерството за транспорт и врски.
Започна изградбата на резервоар за вода во Белушино
