Започна реконструкцијата на регионалниот пат од Крушево до с. Пуста Река. Проектот е финансиран и реализиран од страна на Јавното претпријатие за државни патишта и општина Крушево.Фирмата изведувач започна со гребење на асфалтот, а идната недела се очекува асфалтирање. Должина на патот изнесува 15 километри ,
„По 45 години го реконструираме овој пат. Овој проект е еден од многуте кои ги имплементираме на цела територија на општина Крушево и со тоа покажуваме дека работиме во секој дел од општината. Работиме во градот и сме имплементирале активности и проекти во сите села.“- пишува градоначалникот на општина Крушево Томе Христоски ,во дописот до медиумите
Пред две години (август 2018), во соработка со Јавното претпријатие за државни патишта и Македонија пат , патот Крушево – Пуста Река, поради сериозни оштетувања со ударните дупки, беше само саниран. Инаку, селото се наоѓа само на 13 километри од Крушево и пред неколку години до него, поради лошата патна инфраструктура, руиниран и раскопан пат, беше тешко да се дојде.