Се гради примарната канализациона мрежа во село Големо Коњари . Изведбата е започната пред неколку години кога беа поставени 9 800 м. За преостанатите 2 200 м. Општина Прилеп издвои 9 милиони денари. Од кога ќе завршат градежните работи за примарната ќе се поставуваат секундарните приклучоци што вообичаено треба да бидат на товар на домаќинствата, но општината одлучи поинаку.
– Општина Прилеп ќе издвои свои средства, најверојатно во септември ќе направиме нова јавна набавка за обезбедување на секундарните приклучоци на фекалната канализација до дворното место на домаќинствата за 204 куќи во Големо Коњари.
Во исто време да напоменам дека за Мало Коњари во тек е јавната набавка за секундарната мрежа во ова населено место, каде што исто има околу 200 приклучоци. Така што на есен, односно септември или октомври ќе се реализира комплетната секундарна канализациона мрежа.
Со тоа ќе се заокружи целокупниот проект на изведбата на канализационите системи во овие две населени места, рече градоначалникот Илија Јованоски, кој денеска беше на увид на градежните работи на канализациониот систем во Големо Коњари.
Паралелно се работи и на уличната инфраструктура, како и на јавното осветлување во двете села, кои гравитираат најблиску до градот Прилеп.
Јованоски: Наесен во Мало и Големо Коњари ќе заврши изведбата на канализационите мрежи
