Во Крушево се врши партерно уредување на спортската сала. Тоа во рамките на проектот за локална и регионална конкурентност и пот-проектот „Кругот на адреналинот – развој на авантуристички туризам во Крушево“ финансиран од ЕУ, администриран од Светска Банка и имплементиран од Канцеларијата на проектот, Канцеларијата на Вицепремиерот за економски прашања во Владата на Македонија и општина Крушево.
Паралелно покрај партерното уредување во спортската сала ќе се поставува и систем за греење и ладење. Спортската сала во Крушево целосно се реконструираше, се прошири нејзината намена и се набави опрема за повеќе спортови.