Денеска Општината почна со распределбата на донацијата од 100 таблет – компјутери, за ученици од основните прилепски општински училишта. Донацијата од 100 таблет-компјутери, неодамна ја донира тетовското семејство Дестани преку компанијата „Еколог Интернешнл”, и е намнета за ученици од социјално загрозени семејства во Општината Прилеп. Согласно препораките на Владата и Комисијата за заразни болести за заштита од коронавирусот, таблет- компјутерите кои се донација на тетовското семејство Дестани, ќе бидат делени во помали групи, во следните неколку денови.
Донаторот и филантроп Лазим Дестани при доелувањето на донацијата во Прилеп , на 30 -ти април, истакна дека една од најважните работи што заеднички може да се направи за време на кризата со Ковид-19, е да се осигура иднината на оваа земја, децата, „за тие да ја продолжат наставата без пречки“ , – изјави Дестани.
Приелпскиот градоначалник Илија Јованоски тогаш го истакна значењетп на оваа исклучително вредна донација, која ќе има големо значење за учениците од социјално ранливите категории.
– Оваа донација, благодарејќи на тетовското семејство Дестани ќе предизвика радост кај 100 ученици од Прилеп. Со помош на донираните таблети, учениците ќе може непречено да ја следат он-лајн наставата, која поради неможноста да набават дигитална опрема, на еден начин ги остави надвор од образовниот процес. Од тој аспект, иницијативата и хуманоста на семејството Дестани добива на уште поголема важност, рече тогаш Јованоски.