До каде е изградбата на резервоар за пивка вода во с. Белушино, општина Крушево?! Од општината велат дека изградбата на резервоарот за вода сега е во напредна фаза. Проект започна да се реализира во мај, 2020 г. и треба да обезбеди доволно вода за пиење на шеесетината жители во ова населено место, северно од Крушево, со цел да се реши нивниот децениски проблем со водоснабдувањето.
„Жителите на Белушино немаа други барања освен овој резервоар чија изградба и ставање во функција еднаш за секогаш ќе го регулира водоснабдувањето.“ -изјави градоначалникот на општина Крушево Томе Христоски.
Проектот чини 2 601 900 денари и се реализира во рамки на програмата за работа на Министерството за транспорт и врски.