Центар за граѓанска иницијатива во рамките на своите активности работи на реализација на проектот „Јакнење на малцинствата и специфичните групи за промовирање на партиципативната демократија на ниво на заедницата II фаза“, кој е поддржан од ifa/Zivik Федерална канцеларија на Сојузна Република Германија.
Ова е проект со кој се опфатени десет училишта од целата држава. Во текот на месец октомври во 5 средни училишта беше реализиран тренинг на тема „Изработка на приказни – застапување за промени“. На оваа обука младите ја учеа методологијата на раскажување приказни за застапување. Младите ќе научат како да дојдат до информацијата и како да ја презентираат истата. Обуката ја води новинарот и уредник Горан Михајловски.
Во другите 5 средни училишта се реализираа отворени дебати на тема „Младите поставуваат прашања“. На овие дебати учествуваат ученици од секое училиште и претставници од локалните самоуправи, јавни претпријатија и граѓански организации. Младите ја користеа можноста за поставување на прашања до присутните од една страна и од друга страна се залагаа нивните идеи да бидат вклучени во програмите на институциите за наредниот период.